kutubhona

«Менга имон келтириб мени тасдиқлаган кишига Али ибн Абу Толибни дўст тутишни васият қиламан. Уни ким дўст тутса мени дўст тутибди, ким мени дўст тутса Аллоҳни дўст тутибди. Ким уни яхши кўрса мени яхши кўрибди, ким мени яхши кўрса Аллоҳни яхши кўрибди. Ким уни ёмон кўрса мени ёмон кўрибди, ким мени ёмон кўрса Аллоҳни ёмон кўрибди».

ж – «Канзул уммол»да яна Аммордан ривоят қилинади:

«اَللَّهُمَّ مَنْ آمَنَ بِي وَصَدَّقَنِي فَلْيَتَوَلَّ عَلِيَّ بْنَ أَبِي طَالِبٍ، فَإِنَّ وَلاَيَتَهُ وَلاَيَتِي وَوَلاَيَتِي وَلاَيَةُ اللَّهِ تَعَالَى»

«Аллоҳим, ким менга имон келтирса ва мени тасдиқласа Али ибн Абу Толибга ёрдам берсин. Чунки унга ёрдам бериш менга ёрдам беришдир, менга ёрдам бериш эса Аллоҳ Таолога ёрдам беришдир».

4 – Бу ерда Росулуллоҳ с.а.в. Алининг халифа бўлишини кўрсатиб кетган деб айтадиган кишилар ривоят қиладиган ҳадислар ҳам бор. Бу ҳадисларни ишончли ровийларнинг ҳеч бири ривоят қилмаган ва уларнинг кўпи мавзуъ ҳадислардир. Биз бу ҳадисларни – уларни ривоят қилган кишилар наздида саҳиҳ деб даъво қилинмаслиги учун – уларнинг ривоят қилиниши жиҳатидан баҳс қилиш учун келтирмаймиз, балки уларни ўша кишиларнинг ривоятларида матнлари қандай келган бўлса шундай баҳс қилиб учун келтирамиз. Бу ҳадислар Росулуллоҳ с.а.в. Али билан биродарлашгани ва уни ўзидан кейин ворис қилиб қолдиргани мазмунидадир. Биз улардан бир қисмини келтириб ўтамиз. Қолганлари ҳам худди шу маънода ва худди шу лафзлар билан ривоят қилинган:

а – Набий с.а.в. ҳижратдан олдин муҳожирларни бир-бирига биродар қилиб қўйди ва ўзига Алини биродар қилиб танлади. Биродарлик ҳақидаги биринчи ҳадисда жумладан шундай сўзлар келган: «Али: ё Росулуллоҳ, сизнинг мендан бошқа асҳобларингизга нисбатан қилган ишингизни менга нисбатан қилмай, мени ажратиб қўйганингизни кўриб руҳим тушиб кетди ва қаддим букилди. Агар бу менга бўлган ғазабдан